ప్రభుత్వం నూతనంగా ప్రవేశపెట్టనున్న '‘స్పందన'’ కార్యక్రమం ద్వారా ప్రజల సమస్యల పరిష్కారానికి అత్యంత ప్రాధాన్యత ఇవ్వాలని పాలనాధికారి ఇంతియాజ్‌ అధికారులను ఆదేశించారు. ప్రతి సోమవారం మండల, డివిజన్, జిల్లా స్థాయి కార్యాలయాల్లో ప్రజల నుంచి వినతులు స్వీకరించాలన్నారు. ప్రజలకు జవాబుదారి, పారదర్శకమైన పాలన అందించాలనే ప్రభుత్వ ఆశయాన్ని నెరవేర్చేలా పనిచేయాలని సూచించారు. అర్హులైన ప్రతి లబ్ధిదారునికి అభివృద్ధి, సంక్షేమ ఫలాలు అందేలా చూడాలని ఆదేశించారు. ప్రతి సోమవారం నిర్వహించనున్న స్పందన కార్యక్రమంలో అర్జీలు దాఖలు చేసి.. ప్రతి వ్యక్తికీ రశీదు ఇవ్వాలన్న కలెక్టర్... ఎన్ని రోజుల్లో ఆ సమస్య పరిష్కారం అవుతుందో తెలియజేయాలని సూచించారు.
ఇదీ చదవండీ...
