కృష్ణాజిల్లా చల్లపల్లి మండలంలోని అముదార్లంక గ్రామంలో ఇళ్ల స్థలాల పట్టాలు పంపిణీ కార్యక్రమం రసాభాసాగా మారటంతో వాయిదాపడింది. గతంలో పేదలకు పంపిణీ చేసిన నివాస స్థలాలను తీసుకోకుండా ఉండటానికి గ్రామ రెవెన్యూ అధికారి నగదు డిమాండ్ చేశారని, ఆయనకు కొంత నగదు కూడా ఇచ్చినట్లు లబ్ధిదారులు గ్రామ సభలో ఆందోళన చేశారు. అయినప్పటికీ మిగతా డబ్బు ఇవ్వలేదంటూ... తుది జాబితాలో తమ పేర్లు తీసేసారని స్థానిక తహసీల్దార్ ఎదుట బాధితులు ఆవేదన వ్యక్తం చేశారు.
గతంలో పేదలకు ఇచ్చిన నివాస స్థలాలను లాగేసుకోకుండా అందరికీ ఇళ్లు పథకం కోసం భూమిని కొనుగోలు చేసి పేదలకు పంచాలని బాధితులు కోరారు. లంచాలు తీసుకున్న అధికారిపై విచారణ చేసి, తగిన చర్యలు తీసుకోవాలని గ్రామస్థులు విజ్ఞప్తి చేశారు.
ఇదీచదవండి.
