గ్రామ సచివాలయాల్లో డీఎల్​డీవోల నియామకం

51 మంది ఎంపీడీవోలను డివిజనల్ స్థాయి అభివృద్ధి అధికారులు(డీఎల్​డీవో)గా నియమిస్తూ ప్రభుత్వం ఉత్తర్వులు జారీ చేసింది. 13 జిల్లాల్లోనూ క్లస్టర్ల వారీగా ఏర్పాటు చేసిన డివిజన్లలో వీరు పనిచేయనున్నారు.

గ్రామ సచివాలయాల్లో డివిజనల్ స్థాయి అభివృద్ధి అధికారుల(డీఎల్​డీవో)ను నియమిస్తూ పంచాయతీరాజ్, గ్రామీణాభివృద్ధి శాఖ గురువారం ఉత్తర్వులు ఇచ్చింది. మండల పరిషత్ అభివృద్ధి అధికారుల(ఎంపీడీవో)లో 51 మంది సీనియర్లను గుర్తించి వారిని గ్రామ సచివాలయాల్లో ప్రభుత్వ సంక్షేమ కార్యక్రమాల పర్యవేక్షణ, ఇతర కార్యక్రమాల నిర్వహణకు సంబంధించి డీఎల్​డీవోలుగా నియమించింది. రాష్ట్రవ్యాప్తంగా 13 జిల్లాల్లో క్లస్టర్ల వారీగా ప్రభుత్వం ఏర్పాటు చేసిన డివిజన్లలోని గ్రామ సచివాలయాల్లో వీరు విధులు నిర్వర్తించనున్నారు.

ఇదీ చదవండి