రాజధాని భూముల వ్యవహారంలో స్పెషల్ డిప్యూటీ కలెక్టర్ అరెస్టు

రాజధాని భూముల వ్యవహారానికి సంబంధించి.. ఓ కేసులో సీఆర్డీఏ స్పెషల్​ డిప్యూటీ కలెక్టర్ మాధురిని ప్రత్యేక దర్యాప్తు బృందం(సిట్​) అరెస్టు చేసింది. విజయవాడలోని తన నివాసంలో ఆమెను అదుపులోకి తీసుకొని అనంతరం రిమాండ్‌కు తరలించారు. రాజధాని ప్రాంతంలో ఓ వ్యక్తికి చెందిన భూమిని అక్రమంగా రిజిస్ట్రేషన్ చేసినట్లు ఆమెపై ఆరోపణలున్నాయి.

సీఆర్డీఏ స్పెషల్ డిప్యూటీ కలెక్టర్ మాధురిని... రాజధాని భూములపై విచారణ చేస్తున్న ప్రత్యేక దర్యాప్తు బృందం... విజయవాడలో అరెస్టు చేసింది. తుళ్లూరు మండలం నెక్కల్లు గ్రామంలో భూ కబ్జాకు పాల్పడిన ఓ వ్యక్తికి మాధురి సహకరించారనే ఆరోపణపై కేసు నమోదు చేసిన సిట్ అధికారులు...విజయవాడలో మాధురి నివాసం వద్ద ఆమెను అరెస్టు చేసి రిమాండ్ కు తరలించారు.

ఇదీ చదవండి: రాజకీయ రంగులు కుదరవ్..!: సుప్రీం