Road Accident at Kattanguru: వివాహానికి హాజరై వెళ్తుండగా డివైడర్ ఢీకొని కారు బోల్తా పడింది. ఈ ఘటనలో ముగ్గురు అక్కడికక్కడే మృతి చెందగా.. మరో ఆరుగురు యువకులకు గాయాలయ్యాయి. తెలంగాణలోని నల్గొండ జిల్లా కట్టంగూరు మండలం యరసానిగూడెం వద్ద ఈ ఘటన చోటుచేసుకుంది. క్షతగాత్రులను నార్కట్‌పల్లి కామినేని ఆస్పత్రికి తీసుకెళ్లగా.. మృతదేహాలు నకిరేకల్‌ ప్రభుత్వ ఆస్పత్రికి తరలించారు.
మృతులు ఖమ్మం ఖిల్లా బజార్‌ వాసులుగా పోలీసులు గుర్తించారు. హైదరాబాద్‌లో వివాహానికి హాజరై ఖమ్మం తిరిగి వెళ్తుండగా ఈ ప్రమాదం జరిగింది. డ్రైవర్ నిద్రమత్తు వల్లే ప్రమాదం జరిగినట్లు పోలీసులు ప్రాథమిక అంచనా వేస్తున్నారు. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.
ఇవీ చదవండి:
