తెనాలిలో ఆభరణాలు దొంగిలించిన ముఠా అరెస్ట్

గుంటూరు జిల్లా తెనాలిలో జరిగిన దోపిడి కేసును పోలీసులు ఛేదించారు. 11 మందిని అరెస్ట్ చేసి నిందితుల నుంచి 18 లక్షల 9వేలు విలువ చేసే బంగారం స్వాధీనం చేసుకున్నారు. ఈ నెల 18వ తేదీన తెనాలిలోని డిలైట్ అపార్ట్​మెంట్​లో దోపిడి జరిగింది. చదలవాడ శ్రీనివాసరావుకు చెందిన బంగారు ఆభరణాలు తాకట్టు పెట్టి నగదు ఇప్పిస్తామని నిందితులు తెలివిగా నమ్మించారు. అతను అపార్టుమెంటుకు వచ్చిన వెంటనే కర్రలతో దాడి చేసి ఆభరణాలు గుంజుకున్నారు. ఈ కేసులో మరో ఇద్దరు నిందితుల కోసం గాలింపు చర్యలు చేపట్టినట్లు పోలీసులు వివరించారు.

.

ఇదీ చూడండి ఫేస్​బుక్​లో చాటింగ్.. పరిచయమయ్యాక చీటింగ్