రాజధానిపై తెర వెనక లాలూచీ ఏంటో చెప్పండి: పంచుమర్తి

రాజధానిపై తెర వెనుక ఉన్న లాలూచీ ఏంటో జగన్ బయట పెట్టాలని తెదేపా అధికార ప్రతినిధి పంచుమర్తి అనురాధ డిమాండ్‌ చేశారు. వరద నిర్వహణలో ప్రభుత్వ వైఫల్యం నుంచి దృష్టి మరలిచేందుకే అమరావతి అంశాన్ని బొత్స లేవనెత్తారని మండిపడ్డారు.

బాధ్యతాయుతమైన పదవిలో ఉన్న మంత్రులు ఇష్టానుసారంగా మాట్లాడుతుంటే సీఎం జగన్‌ నోరెందుకు మెదపరని తెదేపా అధికార ప్రతినిధి పంచుమర్తి అనురాధ ప్రశ్నించారు. రాజధానిపై తెర వెనక జరిగే లాలూచీని బయటపెట్టాలని డిమాండ్ చేశారు. వరద నిర్వహణలో ప్రభుత్వ వైఫల్యం నుంచి దృష్టి మరలిచేందుకే రాజధాని అంశాన్ని లేవనెత్తారని ఆరోపించారు. అమెరికా నుంచి వచ్చాక కూడా వరదలపై సీఎం సమీక్ష ఎందుకు చేయలేదని నిలదీశారు. రాజధాని ప్రాంతంలో అన్ని వర్గాలవారు ఉంటే.. ఒక సామాజిక వర్గం అంటూ బొత్స అసత్యాలు మాట్లాడుతున్నారని దుయ్యబట్టారు.