గుంటూరు జిల్లా వేలూరిపాడుకు చెందిన షేక్ షరీఫ్, గౌస్య దంపతులకు కుమారుడు, కుమార్తె సంతానం. కుమార్తెకు వివాహమైంది. కుమారుడు ఆటో నడుపుతుంటాడు. గౌస్య ఇంటి ముందు చిల్లర దుకాణం నడుపుతుంటుంది. షరీఫ్ మద్యానికి బానిసయ్యాడు. ఈనెల 5వ తేదీ షరీఫ్ మందు తాగి ఇంటికి వచ్చాడు. ఆ సమయంలో కుటుంబ సభ్యుల మధ్య మాటామాటా పెరిగింది. కుటుంబ సభ్యులు మందలించినా.. షరీఫ్ ఊరుకోలేదు. వారిని తిడుతూ ఇంటి ముందు ఉన్న కొడుకు ఆటో అద్దం పగలకొట్టాడు. కోపంతో రఫీ తన తండ్రి షరీఫ్పై చేయి చేసుకున్నాడు. షరీఫ్ గాయపడ్డాడు.
చికిత్స నిమిత్తం బాధితుడిని మరుసటి రోజు ఫిరంగిపురంలో ఓ ప్రైవేట్ ఆసుపత్రికి తరలించారు. మెరుగైన వైద్యం కోసం అక్కడ నుంచి గుంటూరు ప్రభుత్వ ఆసుపత్రికి తీసుకెళ్లారు. చికిత్స పొందుతూ షరీఫ్ (40) ఆదివారం రాత్రి మృతి చెందాడు. సమాచారం అందుకున్న ఫిరంగిపురం ఏస్ఐ సురేశ్ తన సిబ్బందితో అక్కడకు వెళ్లి వివరాలు సేకరించారు. కేసు నమోదు చేసిన పోలీసులు దర్యాప్తు చేస్తున్నారు.
ఇదీ చదవండి: అంతర్వేది రథం దగ్ధం ఘటన: ఆలయ ఈవో బదిలీ: వెల్లంపల్లి
