ఐదేళ్లుగా ప్రజలను పట్టించుకోని చంద్రబాబు... ఇప్పుడు మరోసారి దగా చేయడానికి అవకాశం ఇవ్వాలని కోరుతున్నారని ప్రతిపక్ష నేత వైఎస్‌ జగన్‌ సోదరి షర్మిల విమర్శించారు. శుక్రవారం బస్సు యాత్ర ప్రారంభించిన షర్మిల... శనివారం గుంటూరు నగరంపాలెం సెంటర్ నుండి గుజ్జనగుండ్ల ప్రధాన కూడలి వరకు రోడ్ షో నిర్వహించారు. ఇప్పుడు జరగపోయే ఎన్నికలు మంచికి చెడుకు జరుగుతున్న ఎన్నికలని ...ప్రజలందరూ మంచి వైపే నిలవాలని కోరారు. తమకు ఏ పార్టీతోనూ పొత్తులు లేవని...ఒక్కసారి రాజన్నను మనసులో తలచుకుని ఫ్యాను గుర్తుకు ఓటేయాలని కోరారు. తమ పార్టీ అసెంబ్లీ అభ్యర్థి షేక్‌ మహమ్మద్‌ ముస్తఫా, చంద్రగిరి ఏసురత్నం, ఎంపీ అభ్యర్థి మోదుగుల వేణుగోపాల్‌రెడ్డిని భారీ మెజార్టీతో గెలిపించాలని ప్రజలకు షర్మిల విన్నవించారు.
