- అనంతపురం జిల్లా యర్రచెనుపల్లిలో ఎదురెదురుగా వస్తున్న రెండు ద్విచక్ర వాహనాలు ఢీకొన్నాయి. ఈ ప్రమాదంలో మౌలాలి అనే వ్యక్తి అక్కడికక్కడే మృతి చెందాడు. గాయపడ్డ మిగతా ఇద్దరిని 108 వాహనంలో కదిరి ప్రాంతీయ ఆస్పత్రికి తరలించారు. గాండ్లపెంట ఎస్సై గురుప్రసాద్ రెడ్డి కేసు నమోదు చేశారు.
- నెల్లూరు జిల్లా కావలి బైపాస్ రోడ్డులో రెండు వాహనాలు ఢీ కొన్నాయి. ఈ ప్రమాదంలో ఒకరు మృతి చెందగా మరో నలుగురికి గాయాలయ్యాయి. మరోవైపు కోవూరు సలుచింతలు వద్ద కారు, ద్విచక్ర వాహనం ఢీకొన్నాయి. ఈ ప్రమాదంలో ఒకరు మృతి చెందారు.
- గుంటూరు జిల్లా మెడికొండూరు మండలం పేరేచర్లలో ఓ ఆటోను... కారు ఢీకొట్టింది. ఈ ప్రమాదంలో ముగ్గురు గాయపడ్డారు. భాదితులను చికిత్స నిమిత్తం 108 వాహనంలో గుంటూరు ప్రభుత్వ ఆస్పత్రికి తరలించారు. మేడికొండూరు పోలీసులు దర్యాప్తు చేస్తున్నారు.
ఇదీ చదవండి:
