మిత్రుడి పదవీ విరమణకు వెళ్లిన ఓ హెడ్ కానిస్టేబుల్.. రోడ్డు ప్రమాదంలో మరణించిన విషాద ఘటన.. గుంటూరు జిల్లా ఫిరంగిపురంలో జరిగింది. తెనాలికి చెందిన వేల్పుల శ్రీనివాస్.. తెలంగాణలోని నల్గొండలో ఆర్పీఎఫ్ హెడ్ కానిస్టేబుల్ గా పని చేశారు. ఆయన.. మిత్రుడి పదవీ విరమణ కార్యక్రమానికి హాజరయ్యేందుకు నరసరావుపేట వెళ్లారు.
విజయవాడలో రైల్వే టికెట్ ఇన్స్పెక్టర్గా పని చేస్తున్న కోటిరెడ్డితో కలిసి ద్విచక్రవాహనంపై తిరుగు ప్రయాణమయ్యారు. ఫిరంగిపురం సమీపంలో వారి వాహనాన్ని ఓ లారీ బలంగా ఢీ కొట్టింది. శ్రీనివాసరావు గాయాలపాలై.. అక్కడికక్కడే చనిపోయారు. తీవ్ర గాయాలపాలైన కోటిరెడ్డిని గుంటూరు ప్రభుత్వ ఆస్పత్రికి తరలించారు. పోలీసులు కేసు నమోదు చేశారు.
ఇదీ చదవండి:
