గుంటూరు జిల్లా మంగళగిరిలో కరోనా పాజిటివ్ నమోదు కావటంపై అధికారులు జాగ్రత్తలు తీసుకుంటున్నారు. ఇప్పటికే పాజిటివ్ కేసు నమోదైన టిప్పర్ల బజార్ నుంచి సుమారు మూడు కిలోమీటర్ల మేర రెడ్జోన్, ఐదు కిలోమీటర్ల మేర బఫర్ జోన్ ప్రకటించారు. రెడ్జోన్ ప్రాంతంలో ప్రతిఇంటి వద్ద హైపో ద్రావణం చల్లారు. 144 సెక్షన్ అమలు చేశారు. బఫర్ జోన్ లో క్రమం తప్పకుండా సర్వేలు చేయడం, హైపో ద్రావణం చల్లే విధంగా చర్యలు చేపట్టారు. కరోనా పాజిటివ్ వచ్చిన ప్రాంతానికి చెందిన వారు బయటకి రాకుండా ఆ ప్రాంతంలోని అన్ని వీధులలో రాకపోకలను నిలిపివేశారు.
దిల్లీ నుంచి వచ్చిన ఇద్దరిలో వైరస్ సోకిన వ్యక్తి కుటుంబసభ్యులను గుంటూరులోని కాటూరు మెడికల్ కళాశాలలో ఏర్పాటు చేసిన ఐసోలేషన్కు తరలించారు. మరో వ్యక్తి నివాసం ఉండే నవులూరులోనూ అధికారులు కట్టుదిట్టమైన చర్యలు చేపట్టారు. ముందస్తు చర్యల్లో భాగంగా కుటుంబసభ్యులను క్వారంటైన్కు తరలించారు. వైరస్ బారిన పడిన వ్యక్తికి మంగళగిరి ఎన్ఆర్ఐ ఆస్పత్రిలో చికిత్స అందిస్తున్నారు. ఈ ఆస్పత్రిలో మరో ఐదుగురు కరోనా బాధితులు చికిత్స పొందుతున్నారు.
ఇదీ చూడండి:
