ఎగువ నుంచి పెరిగిన వరద ప్రవాహంతో పులిచింతల జలాశయం నిండుకుండను తలపిస్తోంది. పులిచింతలకు 5 లక్షల 4వేల క్యూసెక్కుల ప్రవాహం చేరుతుండగా...15 గేట్ల ద్వారా 5 లక్షల 19 వేల క్యూసెక్కుల నీటిని అధికారులు విడిచిపెడుతున్నారు. 13 గేట్లు 4 అడుగులు మేర, 2 గేట్లను 3 అడుగుల మేర ఎత్తి నీటిని విడుదల చేస్తున్నారు.
మరో 12వేల క్యూసెక్కుల నీటిని విద్యుత్ ఉత్పత్తి కోసం మళ్లిస్తున్నారు. పులిచింతల ప్రాజెక్టు పూర్తిస్థాయి సామర్ధ్యం 45.77 టీఎంసీలు కాగా... ప్రస్తుతం 44.03 టీఎంసీల నీటినిల్వ ఉంది. ఈ బ్యాలెన్సింగ్ రిజర్వాయర్ పూర్తిస్థాయి నీటిమట్టం 175 అడుగులు కాగా... ప్రస్తుతం 173.45 అడుగుల నీటిమట్టానికి చేరింది. వరద పెరిగే అవకాశముందని.. ప్రజలను అప్రమత్తం చేశారు.
