గుంటూరు నగరంలో పండ్లు విక్రయించుకునే చిరు వ్యాపారులపై పోలీసులు దురుసుగా ప్రవర్తించారు. లాక్డౌన్ సడలింపు ఉదయం 9గంటలకు ముగియగా.. సైకిళ్లపై పండ్లు అమ్ముకునే చిరు వ్యాపారులు రోడ్లపై కనిపించారు. ఆ సమయంలో ఇంకా రోడ్లపై ఎందుకు ఉన్నారంటూ అరండల్పేట సీఐ శ్రీనివాసరావు గట్టిగా నిలదీశారు. 9గంటల తర్వాత రోడ్లపై కనిపించొద్దంటూ పండ్ల బుట్టలను పోలీసులు తోసివేశారు. వెళ్లిపోతున్నామని చెప్పినా పట్టించుకోలేదు... పోలీసులు పడేసిన పండ్లను తిరిగి బుట్టల్లో వేసుకుని దీనంగా వెళ్లిపోయారు. ఓవైపు పండ్ల రైతులు మార్కెటింగ్ లేక ఇబ్బందులు పడుతున్నారు. మరోవైపు పండ్లు అమ్ముకునే పరిస్థితి లేక వ్యాపారులు ఇబ్బందులు పడుతున్న పరిస్థితి నెలకొంది.
ఇవీ చదవండి: కరోనా టెస్ట్ కిట్లను 2 రోజులు వాడొద్దు: కేంద్రం
