కరోనా ఎఫెక్ట్​ : పిడుగురాళ్లలో రోడ్డుపక్క దుకాణాలు మూసివేత

గుంటూరు జిల్లా పిడుగురాళ్లలో కరోనా వైరస్ వ్యాప్తి చెందకుండా మున్సిపల్​ అధికారులు ముందస్తు జాగ్రత్తలు తీసుకుంటున్నారు. పట్టణ పరిధిలోని రోడ్ సైడ్ చికెన్, మటన్ షాపులు, టిఫిన్​, ఫాస్ట్​ఫుడ్​ సెంటర్లు, బిర్యానీ పాయింట్లు మూసివేయాలని మున్సిపల్ కమిషనర్ ఆదేశాలు జారీ చేశారు.

కరోనా వైరస్‌ నేపథ్యంలో గుంటూరు జిల్లా పిడుగురాళ్లలో రోడ్డుపక్కన ఉండే దుకాణాలను ఈనెల 31 వరకు మూసేయాలని మున్సిపల్‌ కమిషనర్‌ నోటీసులు ఇచ్చారు. గత కొద్ది రోజులుగా ప్రపంచాన్ని వణికిస్తున్న వైరస్‌ రాకుండా ముందు జాగ్రత్తగా పట్టణ ప్రజలకు అవగాహన కార్యక్రమాలు చేపట్టామన్నారు. విదేశాల నుంచి వచ్చిన వారు ఇంటి వద్దనే ఉండేలా.. తగు చర్యలు తీసుకుంటున్నామని మున్సిపల్‌ కమిషనర్‌ తెలిపారు.

ఇదీ చదవండి : కరోనా మృతదేహాల ఖననంపై కేంద్రం మార్గదర్శకాలు