పెట్రోల్ ట్యాంకర్-క్రేన్ ఢీ... ఒకరికి తీవ్ర గాయాలు

గుంటూరు జిల్లా యడ్లపాడు మండలం తిమ్మాపురం సమీపంలోని నక్క వాగు వద్ద బుధవారం రాత్రి పెట్రోల్ ట్యాంకర్​ను క్రేన్ ఢీకొట్టింది. ఈ ఘటనలో ట్యాంకర్ డ్రైవర్​కు తీవ్ర గాయాలయ్యాయి. చికిత్స కోసం బాధితుడిని ఆస్పత్రికి తరలించారు. ప్రమాదం అనంతరం పెట్రోల్ లీక్ అవుతుండటంతో... పోలీసులు, అగ్నిమాపక సిబ్బంది ఇంధనాన్ని తగు జాగ్రత్తలతో బయటకు తీశారు.

గుంటూరు నుంచి చిలకలూరిపేట వైపు 16వ నంబర్ జాతీయ రహదారిపై వస్తున్న ఆయిల్ ట్యాంకర్​ను యడ్లపాడు పరిధిలోని నక్క వాగు సమీపంలో క్రేన్ ఢీ కొట్టింది. ఈ ఘటనలో ట్యాంకర్ డ్రైవర్​కు తీవ్ర గాయాలయ్యాయి. ట్యాంకర్ నుంచి పెట్రోల్ లీక్ అవుతుండటంతో.. అప్రమత్తమైన పోలీసులు జాతీయ రహదారిపై వన్ వే అమలు చేసి ట్రాఫిక్​ను మళ్లించారు. పోలీసులు, అగ్నిమాపక సిబ్బంది పెట్రోల్ ట్యాంకర్​ను సమీపంలోని పెట్రోల్ బంక్ వద్దకు తీసుకెళ్లి లీక్ అవుతున్న పెట్రోల్​ను బయటకు తీశారు.

ఇదీచదవండి.