అందుకే పొత్తు పెట్టుకోలేదు... పవన్​కళ్యాణ్

గత ఎన్నికల సందర్భంగా... వైకాపా, తెదేపా నేతలు పొత్తు కోసం తనను సంప్రదించారని పవన్​కళ్యాణ్ పేర్కొన్నారు. తాను ఒంటరిగా పోటీ చేయాలని అనుకున్నానని.. అందుకే పొత్తు పెట్టుకోలేదని స్పష్టం చేశారు.

వైకాపా ప్రభుత్వం ప్రజా సమస్యల పరిష్కారంపై దృష్టి పెట్టకపోతే... ఆందోళన చేయడానికి సిద్ధమని జనసేన అధినేత పవన్​కల్యాణ్ స్పష్టం చేశారు. గుంటూరు జిల్లా మంగళగిరి జనసేన పార్టీ ప్రధాన కార్యాలయంలో పవన్ కార్యకర్తలతో సమావేశమయ్యారు. ఎన్నికల్లో పార్టీ తరఫున పోటీ చేసిన వారినే నియోజకవర్గాల ఇన్​ఛార్జ్​లుగా నియమించారు. తన సోదరుడు నాగబాబుకు సమన్వయ కమిటీ ఛైర్మన్​గా బాధ్యతలు కట్ట పెట్టారు.

రాష్ట్రంలో ఇసుక కొరత తీవ్రంగా ఉందని పవన్ చెప్పారు. ఇసుక లేకపోవడం వల్ల తమ పార్టీ కార్యాలయ నిర్మాణ పనులు కూడా నిలిచాయన్నారు. తన చివరి శ్వాసవరకు పార్టీని నడిపిస్తానని ఉద్ఘాటించారు. ఎన్నికల సమయంలో వైకాపా, తెదేపా నేతలు పొత్తు కోసం తనను సంప్రదించారని పేర్కొన్నారు. తాను ఒంటరిగా పోటీ చేయాలని అనుకున్నానని... అందుకే పొత్తు పెట్టుకోలేదని స్పష్టం చేశారు.

ఇదీ చదవండీ...