బుళ్లు రవి కుమార్, రామారావులు గుంటూరు జిల్లా సత్తెనపల్లి పట్టణ పోలీస్ స్టేషన్లో హెడ్ కానిస్టేబుళ్లుగా విధులు నిర్వహిస్తున్నారు. పట్టణంలోని 15వ వార్డులో గురువారం రాత్రి జనసేన పార్టీ ఆధ్వర్యంలో నిర్వహించిన ఆ పార్టీ అధినేత, సినీహీరో పవన్ కల్యాణ్ జన్మదిన వేడుకల్లో ఇద్దరూ పాల్గొన్నారు. దీనిపై గుంటూరు గ్రామీణ ఎస్పీ విశాల్ గున్నీకి ఫిర్యాదు అందటంతో క్రమశిక్షణా చర్యల కింద వీఆర్కు పంపుతూ శుక్రవారం ఆయన ఆదేశాలు జారీ చేశారు.
హెడ్ కానిస్టేబుళ్లు బుళ్లు రవి కుమార్, రామారావులు వీఆర్కు పంపుతున్న విషయాన్ని పట్టణ సీఐ శోభన్బాబు ధ్రువీకరించారు.
ఇదీ చదవండి: RAPE: బెంగళూరులో రాష్ట్రానికి చెందిన ఐటీ ఉద్యోగినిపై నైజీరియన్ల అత్యాచారం
