గొడవలు సృష్టించిన ఘనత జగన్​దే: ఆనందబాబు

రాష్ట్ర వ్యాప్తంగా 11వ తేదీన జరిగిన సార్వత్రిక ఎన్నికల్లో గొడవలు సృష్టించిన ఘనత జగన్​కే దక్కుతుందని మంత్రి నక్కా ఆనందబాబు విమర్శించారు. గుంటూరు జిల్లా వేమూరు నియోజకవర్గంలో దాడి గురించి ఆరా తీసేందుకు గ్రామంలో పర్యటించిన ఆయన.. దాడికి కారకులైన వారిపై చర్యలు తీసుకోవాలని డిమాండ్ చేశారు.

ఆంధ్రప్రదేశ్ చరిత్రలో గతంలో ఎన్నడూలేని విధంగా ఎన్నికల్లో గొడవలు సృష్టించిన ఘనత జగన్మోహన్ రెడ్డికే దక్కుతుందని మంత్రి నక్కా ఆనందబాబు విమర్శించారు. ఈనెల 11వ తేదీన గుంటూరు జిల్లా వేమూరు నియోజకవర్గ గ్రామంలో జరిగిన దాడి గురించి తెలుసుకునేందుకు మంత్రి సందర్శించారు. దాడికి గల కారణాల గురించి ప్రజలను అడిగి తెలుసుకున్నారు. ఘర్షణకు కారమైన వైకాపా నాయకులపై చర్యలు తీసుకోవాలని డిమాండ్ చేశారు.