'సినిమా కార్మికులకు తొలి విడతలో వ్యాక్సిన్ పంపిణీ చేయండి'

సినీ కళాకారులు, కార్మికులకు తొలి విడతలో కరోనా వ్యాక్సిన్ పంపిణీ చేయాలని మూవీ ఆర్టిస్ట్స్ అసోసియేషన్ ఏపీ వ్యవస్థాపకుకడు దిలీప్ రాజా ప్రభుత్వానికి విజ్ఞప్తి చేశారు. ఈ మేరకు కలెక్టర్ శామ్యూల్ ఆనంద్​ కుమార్​కు వినతిపత్రం అందజేశారు.

సినీ దర్శకుడు, మూవీ ఆర్టిస్ట్స్ అసోసియేషన్ ఏపీ వ్యవస్థాపకుడు దిలీప్ రాజా గుంటూరు జిల్లా కలెక్టర్ శామ్యూల్ ఆనంద్ కుమార్​ను కలిశారు. మూవీ ఆర్టిస్ట్స్ అసోసియేషన్ - ఏపీ సభ్యులైన సినీ కళాకారులకు, కార్మికులకు తొలి విడతలో కరోనా వ్యాక్సిన్ పంపిణీ చేయాలని కలెక్టర్​ను కోరారు. ఈ మేరకు వినతిపత్రం సమర్పించారు.

ఏడాదిగా షూటింగులు ఆగిన కారణంగా 24 క్రాఫ్టులకు చెందిన సినీ కార్మికులు ఇబ్బందులు పడుతున్నారని చెప్పారు. రాష్ట్రం​లో షూటింగ్​లకు ప్రభుత్వం, మే 19 నుంచి అనుమతి ఇచ్చిందని గుర్తు చేశారు. సినీ కార్మికులు కరోనా బారిన పడకుండా, క్షేమంగా ఉండాలంటే... మెుదటి విడతలో సినీ కార్మికులకు వ్యాక్సిన్ పంపిణీ చేయాలని విజ్ఞప్తి చేశారు.

ఇదీ చదవండి: