గుంటూరు జిల్లా మాచర్లలో చోరీలకు పాల్పడుతున్న మట్టపల్లి హరిబాబు అలియాస్ కమ్మ కాశీ అనే వ్యక్తిని పోలీసులు అరెస్ట్ చేశారు. అతని వద్ద నుంచి రూ.లక్ష యాభై వేల విలువైన బంగారు ఆభరణాలను స్వాధీనం చేసుకున్నామని పట్టణ సీఐ రాజేశ్వరరావు తెలిపారు. నిందితుడు ఈ నెల 2న మాచర్లలోని 20వ వార్డులో ఎవరూ లేని ఇంట్లోకి చొరబడి బంగారు ఆభరణాలతో పాటు రూ.9వేల నగదు చోరీ చేశాడని వివరించారు.
బాధితుల ఫిర్యాదు మేరకు కేసు నమోదు చేసి దర్యాప్తు చేశామని, పట్టణ శివారులోని రింగు రోడ్డు వద్ద నిందితుడిని అదుపులోకి తీసుకున్నామని చెప్పారు. ఎక్కడికైనా వెళ్లేముందు పోలీసులకు సమాచారం అందిస్తే లాక్డ్ హౌస్ మేనేజింగ్ సిస్టమ్ ద్వారా భద్రత కల్పిస్తామని స్థానికులకు సూచించారు.
ఇదీ చదవండి:
