కేంద్రం ప్రకటించిన ఆర్థిక ప్యాకేజీలతో భారతదేశం మళ్లీ పుంజుకునేందుకు ఆస్కారం ఏర్పడిందని భాజపా రాష్ట్ర అధ్యక్షుడు కన్నా లక్ష్మీనారాయణ అన్నారు. ప్రధానిగా మోదీ రెండో సారి ప్రమాణం చేసి ఏడాది దాటిన సందర్భంగా చేపట్టిన జన జాగరణ కార్యక్రమాన్ని ఆయన గుంటూరులో ప్రారంభించారు. కేంద్రం చేస్తున్న కార్యక్రమాలను ప్రజలకు వివరించే లక్ష్యంతో ఈ కార్యక్రమాన్ని చేపట్టామని పేర్కొన్నారు. దశాబ్దాలుగా అసంపూర్తిగా ఉన్న సమస్యలకు మోదీ పరిష్కరం చూపారని తెలిపారు. లాక్డౌన్ సమయంలో అన్ని వర్గాల ప్రజలను ఆదుకునేందుకు రెండు సార్లు ఆర్థిక ప్యాకేజి ప్రకటించారని చెప్పారు.
ఇదీచదవండి.: 'ప్రధాని మోదీ అభివృద్ధిపై ఇంటింటి ప్రచారం'
