హోం మంత్రి సుచరిత
రాష్ట్రంలో త్వరలో జరగనున్న స్థానిక సంస్థల ఎన్నికల్లో పార్టీని వైకాపా శ్రేణులు గెలుపు దిశగా తీసుకెళ్లేందుకు నాయకులు కృషి చేయాలని రాష్ట్ర హోంమంత్రి మేకతోటి సుచరిత సూచించారు. గుంటూరు జిల్లా ప్రత్తిపాడులో అధికారులతో సమీక్షించిన మంత్రి... అనంతరం పార్టీ నాయకులతో మాట్లాడారు. నాయకులు కార్యకర్తలు కలిసికట్టుగా పని చేస్తేనే విజయం వరిస్తుందన్నారు. ఒకరిపై ఒకరు ద్వేషాలు పెంచుకోవద్దని హితవు పలికారు. పార్టీ కోసం పని చేయాలని కోరారు. తెదేపాను వర్గ భేదాలే ఓడించాయని గుర్తు చేశారు. అలాంటి తప్పు వైకాపాలో జరగకూడదన్నారు.
