విశాఖలో జరిగిన విషవాయువు ప్రమాదంలో బాధితులను కాపాడేందుకు పోలీసులు, ఎన్డీఆర్ఎఫ్, స్థానిక యువత చూపిన చొరవ అభినందనీయమని రాష్ట్ర హోంమంత్రి మేకతోటి సుచరిత కొనియాడారు. గ్యాస్ లీకేజి ప్రమాదంపై ప్రభుత్వం విచారణ కమిటీని నియమించినట్టు వివరించారు. నివేదికను బట్టి తదుపరి చర్యలు తీసుకుంటామన్నారు. పరిశ్రమ ఏర్పాటు తర్వాత అక్కడ జనాభా పెరిగిందన్న సుతరిత... అక్కడి నుంచి పరిశ్రమ తరలించే విషయాన్ని పరిశీలిస్తామని తెలిపారు.
ఘటనపై విపక్షనేతలు లేనిపోని ఆరోపణలు, విమర్శలు చేస్తున్నారని మండిపడ్డారు. ఇలాంటి ఘటనలు జరిగినపుడు సంయమనంతో ఉండాలన్నారు.
