Home Minister Sucharita on police jobs : గుంటూరు జిల్లా వినుకొండలో అంబేడ్కర్ విగ్రహాన్ని హోంమంత్రి మేకతోటి సుచరిత ఆవిష్కరించారు. పోలీసు శాఖలో సిబ్బంది కొరత కారణంగా పడుతున్న ఇబ్బందులు వాస్తవమని.. త్వరలో ఈ సమస్యను పరిష్కరిస్తామన్నారు. రాష్ట్రవ్యాప్తంగా పోలీస్ శాఖలో 14 వేల ఉద్యోగాలు ఖాళీగా ఉన్నాయని.. త్వరలోనే వాటిని భర్తీ చేస్తామన్నారు.
వినుకొండలో అభివృద్ధి చేసేందుకు ఎమ్మెల్యే బొల్లా బ్రహ్మనాయుడు చేస్తున్న కృషి అభినందనీయమని సుచరిత అన్నారు. పేద ప్రజల సంక్షేమానికి సీఎం జగన్ మోహన్ రెడ్డి అనేక సంక్షేమ పథకాలు చేపడుతున్నట్లు తెలిపారు. ప్రభుత్వం ప్రవేశపెట్టిన గృహ హక్కు పథకం బృహత్తరమైనదని.. లబ్ధిదారులు సద్వినియోగం చేసుకోవాలని కోరారు. ఓటీఎస్ పథకంపై పక్షాలు చేస్తున్న విమర్శలు విడ్డూరమన్నారు. అలాగే నష్టపోయిన ప్రతి మిరప రైతులను ప్రభుత్వం ఆదుకుంటుందని తెలిపారు.
ఇదీ చదవండి
