విజయ్​పై బలవంతపు చర్యలు వద్దు.. సీఐడీని ఆదేశించిన హైకోర్టు

TDP leader Chintakayala Vijay case: తెదేపా నేత చింతకాయల విజయ్ కేసు పిటిషన్​ను రాష్ట్ర హైకోర్టు విచారించింది. న్యాయవాది సమక్షంలో విచారణ కోరే అవకాశం పిటిషనర్‌కు ఉంటుందని ధర్మాసనం తెలిపింది. విజయ్‌పై బలవంతపు చర్యలు చేపట్టవద్దని సీఐడీని ఆదేశించింది. తదుపరి విచారణ సోమవారానికి వాయిదా వేసింది.

TDP leader Chintakayala Vijay case: తెదేపా నేత చింతకాయల విజయ్ కేసు విషయంలో హైకోర్టు సీఐడీని ప్రశ్నించింది. ఈనెల 26న విచారణకు హాజరు కావాలని సీఐడీ అధికారులు.. చింతకాయల విజయ్​కు ఈనెల 22న నోటీసులిచ్చిన విషయం తెలిసిందే. అయితే దీనిపై హైకోర్టులో విచారణ జరిగింది. ప్రతీసారి హైదరాబాద్​లోని ఇంటికి వెళ్లి నోటీసులు అంటిస్తున్నారని పిటిషనర్ విజయ్​ తరఫు న్యాయవాది వీవీ సతీష్ వాదనలు వినిపించారు. తెదేపాకు, పిటిషనర్​కు సంబంధం లేదని వాదనలు వినిపించారు. సాక్ష్యాలు తీసుకురావాలని నోటీసులో పేర్కొన్నారని ధర్మాసనం దృష్టికి తీసుకెళ్లారు.

వాదనలు విన్న ధర్మాసనం... న్యాయవాది సమక్షంలో విచారణ జరపాలని కోరే అవకాశం పిటిషనర్​కు ఉంటుందని స్పష్టం చేసింది. విజయ్​పై బలవంతపు చర్యలు చేపట్టవద్దని సీఐడీని హైకోర్టు ఆదేశించింది. తదుపరి విచారణను న్యాయస్థానం సోమవారానికి(ఈనెల 31) వాయిదా వేసింది.

ఇవీ చదవండి: