గుంటూరు జిల్లా తాడేపల్లిలోని అతిథి గృహంలో.. కొవిడ్ నిబంధనలు ఉల్లఘించి పుట్టినరోజు వేడుకలు చేసుకున్న సచివాలయ సిబ్బందిపై పురపాలక సంఘం కమిషనర్ కొరడా ఝుళిపించారు. ఎలాంటి అనుమతి లేకుండా అతిథి గృహం వినియోగించినందుకు సిబ్బందికి షోకాజ్ నోటీసులు జారీచేశారు. ఒక్కొక్కరికీ రూ. 1000 చొప్పున 25 మందికి జరిమానా విధించారు. అనుమతి లేకుండా మున్సిపల్ గెస్ట్ హౌస్ వినియోగించినందుకు మరో రూ. 3000 అపరాధ రుసుము కట్టాలని ఆదేశించారు.
ఓ మహిళా ఉద్యోగిని పుట్టినరోజు వేడుకలను సీతానగరం మున్సిపల్ అతిథి గృహంలో వైభవంగా నిర్వహించారు. భౌతిక దూరం, మాస్కులు లేకుండా సంబరాలు చేసుకున్న విషయాన్ని కమిషనర్ రవిచంద్రారెడ్డి మీడియా ద్వారా తెలుసుకున్నారు. ఇలాంటి ఘటనలు పునరావృతమైతే తీవ్ర పరిణామాలు ఉంటాయని హెచ్చరించారు.
ఇదీ చదవండి:
నీటి పన్ను చెల్లించమంటే.. ప్రభుత్వ సిబ్బందిపై రౌడీషీటర్ దాడి
