ఒకప్పుడు రాత్రి, ఇప్పుడు పట్టపగలే గ్రావెల్ తవ్వకాలు

గుంటూరు జిల్లా అనంతవరం గ్రావెల్ క్వారీలో తవ్వకాలకు అడ్డుఆదుపు లేకుండా పోతోంది. ఎలాంటి అనుమతులు లేకుండా ఇష్టం వచ్చినట్లు జరిపే తవ్వకాలతో తమకు ఇబ్బందులు ఎదురవుతున్నాయని స్థానికులు వాపోతున్నారు.

గుంటూరు జిల్లా అనంతవరం గ్రావెల్ క్వారీలో అక్రమ తవ్వకాలు యథేచ్ఛగా సాగుతున్నాయి. ఇక్కడ ఎవరికీ ఎలాంటి అనుమతి లేనప్పటికి పట్టపగలే ప్రొక్లెనర్ల సాయంతో ట్రాక్టర్ల ద్వారా గ్రావెల్ ను తరలిస్తున్నారు. రాజధాని పరిసర ప్రాంతాల్లోని పలు గ్రామాల్లో ఈ మట్టిని ఒక్కొక్క ట్రాక్టర్ కి 3వేల చొప్పున అమ్మకాలు జరుగుతున్నాయి. గతంలో రాత్రిపూట ఈ తవ్వకాలు జరగ్గా, ప్రస్తుతం పట్టపగలే దోపిడీకి ఒడికడుతున్నారు. రాజధాని ప్రాంతంలోనే ఈ అక్రమ తవ్వకాలు జరుగుతుంటే మైనింగ్ అధికారులు చోద్యం చూస్తున్నారనీ స్థానికులు వాపోతున్నరు. ఇప్పటికైనా ఈ అక్రమాలను అరికట్టాలని కోరుతున్నారు.

ఇదీ చూడండి:'నిఘావర్గాల హెచ్చరికలతో తిరుపతిలో తనిఖీలు విస్తృతం'