అరెస్టు చేద్దామని వచ్చి.. ఆందోళనలతో వెనక్కి తగ్గారు!

రాజధాని పరిధిలోని కురుగల్లులో రైతుల ఆందోళనలను పోలీసులు అడ్డుకున్నారు. ఆందోళనకారులను అరెస్టు చేస్తుండగా...గ్రామస్తులు అడ్డుకున్నారు. కాసేపు ఉద్రిక్త వాతవరణం నెలకొంది. చివరికి పోలీసులే వెనుదిరిగారు.

రాజధానిగా అమరావతి నే కొనసాగించాలంటూ మంగళగిరి మండలంలో రైతుల ఆందోళనలు ఉద్ధృతంగా కొనసాగుతున్నాయి. నిడమర్రు కురగల్లు బేతపూడి గ్రామాల్లో రైతుల ఆందోళన మిన్నంటాయి. కూడలిలో వాహన రాకపోకలను అడ్డుకొని ప్రభుత్వానికి వ్యతిరేకంగా నినాదాలు చేశారు. మూడు రాజధానులు వద్దు అమరావతి ముద్దు అంటూ నిడమర్రులో రైతులు రోడ్డుపై బైఠాయించారు. కురగల్లు లో ఆందోళన చేస్తున్న రైతులను అరెస్టు చేసేందుకు వచ్చిన పోలీసులను గ్రామస్తులు అడ్డుకున్నారు. కాసేపు ఉద్రిక్త వాతావరణం నెలకొంది రైతులు ఆందోళనకు పోలీసులు మద్దతు తెలపాలంటూ నినాదాలు చేశారు. రైతుల ఆందోళన తీవ్రం కావడంతో పోలీసులు వెనుదిరిగారు.

ఇవీ చదవండి