లైంగిక వేధింపుల వ్యవహారంలో గుంటూరు జిల్లా ఎక్సైజ్ ఎన్ఫోర్స్మెంట్ బ్యూరో సూపరింటెండెంట్ బాలకృష్ణన్ సస్పెండ్ అయ్యారు. తనను బాలకృష్ణన్ లైంగికంగా వేధిస్తున్నట్లు ఓ మహిళా ఎక్సైజ్ ఎస్ఐ ఉన్నతాధికారులకు నెల క్రితం ఫిర్యాదు చేశారు. ఈ వ్యవహారంలో బాలకృష్ణన్ను కొద్దిరోజులు విధులకు దూరంగా ఉండాలని ఉన్నతాధికారులు ఆదేశించారు.
అనంతరం మహిళా ఎక్సైజ్ ఎస్ఐ ఫిర్యాదుపై అధికారులు విచారణ కమిటీని నియమించారు. కమిటీ ఇచ్చిన నివేదిక మేరకు... బాలకృష్ణన్ను సస్పెండ్ చేస్తూ డీజీపీ గౌతం సవాంగ్ ఆదేశాలు జారీ చేశారు. తదుపరి ఆదేశాలు వచ్చే వరకూ బాలకృష్ణన్ జిల్లా కేంద్రం వదిలి వెళ్లరాదని ఆదేశాల్లో పేర్కొన్నారు.
ఇదీ చదవండి:
అధికారి వేధిస్తున్నారంటూ పురుగుల మందు తాగిన రిసోర్స్ పర్సన్
