కొత్త విద్యుత్ సవరణ చట్టం వల్ల అటు వినియోగదారులతోపాటు ఉద్యోగులు సైతం నష్టపోయే ప్రమాదం ఉందని విద్యుత్తు ఉద్యోగుల ఐకాస నేతలు ఆందోళన వ్యక్తం చేశారు. తమ సమస్యలు పరిష్కరించాలని ఉద్యోగులు డిమాండ్ చేెశారు. ఈ మేరకు గుంటూరు విద్యుత్ భవన్ ఎదుట ఐకాస ఆధ్వర్యంలో నల్ల బ్యాడ్జీలు ధరించి నిరసన తెలిపారు. సమ్మెలను నిషేధిస్తూ.. ఓవైపు ప్రభుత్వం ఉత్తర్వులు జారీ చేసినప్పటికీ మూడో రోజు ఆందోళన కొనసాగించారు.
సమ్మెలు నిషేధిస్తూ ప్రభుత్వం ప్రతి 6 నెలలకు ఓసారి జారీ చేస్తుందని... ఇలాంటి ఉత్తర్వులను చూసి ఉద్యోగులు భయపడాల్సిన అవసరం లేదని ఐకాస నేతలు అభిప్రాయపడ్డారు. దీర్ఘకాలికంగా ఉన్న అపరిష్కృత సమస్యలు పరిష్కరించే వరకు ఆందోళన కొనసాగించాలని ఉద్యోగులకు ఐకాస నేతలు పురుషోత్తంరావు, రాజేశ్ ఖన్నా సూచించారు.
ఇదీ చూడండి:
