Duggirala MPP: తహశీల్దార్ కుల ధ్రవీకరణపత్రం ఇవ్వటంలేదు.. తెదేపా ఎంపీపీ అభ్యర్థి ఆరోపణ

గుంటూరు జిల్లా దుగ్గిరాల మండల ఎంపీపీ ఎన్నికను ఈ నెల 24న చేపట్టనున్నారు. అయితే తహశీల్దార్​పై ఆరోపణలు గుప్పించారు తెదేపా ఎంపీపీ అభ్యర్థి మళ్లీశ్వరి. ఎంపీపీ ఎన్నిక దృష్ట్యా తనకు కుల ధ్రువీకరణ పత్రం ఇవ్వటం లేదని ఆరోపించారు. ఇదంతా వైకాపా కుట్రగా అనుమానం వ్యక్తం చేశారు.

కుల ధ్రువీకరణ పత్రం ఇవ్వట్లేదని దుగ్గిరాల తెదేపా ఎంపీపీ అభ్యర్థి మళ్లీశ్వరి ఆరోపించారు. 3 రోజుల నుంచి తహశీల్దార్‌ తిప్పుతున్నారని ఆవేదన వ్యక్తం చేశారు. ఈ నెల 24న ఎంపీపీ ఎన్నికను చేపట్టనున్నారు. ఈ క్రమంలో కుల ధ్రవీకరణపత్రం ఇవ్వకుండా ఇబ్బందులకు గురి చేస్తున్నారని చెప్పారు. ఇందతా ఎంపీపీ పదవి కోసం వైకాపా చేస్తున్న కుట్రగా అనుమానం వ్యక్తం చేశారు. దుగ్గిరాల మండలంలో మొత్తం 18 ఎంపీటీసీ స్థానాలకు గానూ.. తెదేపా 9, వైకాపా 8, జనసేన 1 గెలిచాయి. ఫలితంగా 9 స్థానాల్లో గెలిచిన తెదేపాకు ఎంపీపీ పదవి దక్కే అవకాశం ఉంది.

ఇదీ చదవండి
GANDHIJI: గాంధీజి కొల్లాయి (ధోవతి) కట్టి నేటికి వందేళ్లు