ఆంధ్రప్రదేశ్ మున్సిపల్ ఉపాధ్యాయుల సమాఖ్య పిలుపు మేరకు రాష్ట్రవాప్తంగా మున్సిపల్ టీచర్లు నిరసన కార్యక్రమాలు చేపట్టారు. పదోన్నతుల షెడ్యూల్ వెంటనే విడుదల చేయాలని సమాఖ్య అధ్యక్షులు రామకృష్ణ డిమాండ్ చేశారు. గుంటూరులోని ఆర్ఆర్ పురపాలక పాఠశాలలో జరిగిన నిరసనలో ఆయన పాల్గొన్నారు.
మున్సిపాలిటీని యూనిట్గా తీసుకుని, అక్కడ పనిచేసే ఉపాధ్యాయులకు ఐచ్ఛిక బదిలీలు నిర్వహించాలన్నారు. ప్రతి తరగతికి ఒక ఉపాధ్యాయుడు తప్పనిసరిగా ఉండేలా హేతుబద్ధీకరణ జరగాలని వివరించారు. తమ న్యాయమైన డిమాండ్లను పరిష్కరించేందుకు ప్రభుత్వం కార్యాచరణ ప్రకటించాలని కోరారు.
ఇదీ చదవండి:
