89వ రోజుకు చేరిన రాజధాని రైతుల నిరసనలు
రాజధానిగా అమరావతి ఉండాలని కోరుతూ.. రాజధాని గ్రామాల్లో 89వ రోజుకు నిరసనలు చేరాయి. ప్రభుత్వం మూడు రాజధానుల ప్రతిపాదనపై వెనక్కి తగ్గాలంటూ.. రైతులు, మహిళలు ఆందోళన చేపట్టారు. తమను ఎన్నికలకు దూరం చేయడం పట్ల మందడం రైతులు, మహిళలు ఆగ్రహం వ్యక్తం చేశారు. రాయపూడిలో మహిళలు వీధులను ఊడ్చి గాంధేయమార్గంలో నిరసన తెలిపారు. రాష్ట్ర ప్రభుత్వం రివర్స్ పాలన సాగిస్తుందంటూ.. తుళ్లూరులో మహిళలు చేతులు వెనక్కి వంచి దండాలు పెడుతూ నిరసన తెలిపారు. ప్రభుత్వం ఇప్పటికైనా సక్రమ పాలన చేయాలని.. అమరావతిని రాజధానిగా కొనసాగించాలని డిమాండ్ చేశారు.
