సొంత నిధులతో విద్యార్థినులకు ఎమ్మెల్యే ఆళ్ల సాయం

సంక్షేమ వసతి గృహాల్లో విద్యార్థినుల సమస్యలను చూసిన ఆళ్ల రామకృష్ణా రెడ్డి... వారికి సాయం అందించారు. ఆరు లక్షల రూపాయల సొంత నిధులతో హాస్టల్​లో మౌలిక సదుపాయాలు కల్పించారు.

గుంటూరు జిల్లా దుగ్గిరాలలోని బీసీ, ఎస్సీ సంక్షేమ వసతి గృహంలో గత శనివారం నిద్ర చేసిన సమయంలో విద్యార్థుల సమస్యలు అడిగి తెలుసుకున్న శాసనసభ్యుడు ఆళ్ల రామకృష్ణారెడ్డి వాటి పరిష్కారానికి చర్యలు చేపట్టారు. తన సొంత నిధుల నుంచి 6 లక్షలతో 170 మంది విద్యార్థినులకు మేకప్ కిట్, సోలార్ వాటర్ హీటర్, సోలార్ లైటింగ్ సిస్టం, ఆర్వో ప్లాంట్ అందజేశారు. విద్యార్థినులకు అవసరమైన మౌలిక సదుపాయాలు కల్పించేందుకు ప్రభుత్వం నుంచి నిధులు ఆలస్యమవుతాయని... తక్షణ సహాయం అందించాలన్న ఉద్దేశంతో 6 లక్షలు వెచ్చించి సామాగ్రిని కొనుగోలు చేశానని ఎమ్మెల్యే ఆళ్ల రామకృష్ణారెడ్డి చెప్పారు.