గుంటూరు జిల్లా చిలకలూరిపేట నియోజకవర్గంలో జరిగిన రెండు వేరు వేరు ప్రమాదాల్లో ఒకరు మృతి చెందగా.. మరొకరికి తీవ్ర గాయాలయ్యాయి. నాదెండ్ల మండలం సాతులూరు వద్ద కర్నూల్ - గుంటూరు జాతీయ రహదారిపై ద్విచక్ర వాహనంపై రోడ్డు దాటుతున్నఅదే గ్రామానికి చెందిన ఆర్ఎంపీ సుబ్బారావు(60)ను వేగంగా వెళుతున్న ఇన్నోవా కారు ఢీ కొట్టింది. ఈ ప్రమాదంలో ఆయన అక్కడికక్కడే మృతి చెందారు.
16వ నెంబర్ జాతీయ రహదారిపై.. మండల కేంద్రమైన యడ్లపాడు ఎన్ఎస్ఎల్ టెక్స్టైల్ ఎదురుగా.. వెళ్తున్న కారును వెనకనే వస్తున్న డీసీఎం వాహనం ఢీ కొట్టి వెళ్ళిపోయింది. ఈ ప్రమాదంలో కారు నడుపుతున్న వ్యక్తికి తీవ్ర గాయాలయ్యాయి. పక్కనే ఉన్న రెండు గొర్రెలు మృతి చెందాయి. రెండు ప్రమాదాలకు సంబంధించి నాదెండ్ల యడ్లపాడు పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చదవండి: 'దిల్ బెచారా' చూసి భావోద్వేగం చెందిన సుశాంత్ ఫ్యామిలీ
