ప్రాణం తీసిన ఇసుక అక్రమ రవాణా..

ఇసుక అక్రమ రవాణా ఓ వ్యక్తి ప్రాణం తీసింది. పోలీసులు వెంటపడడంతో ఇసుక ట్రాక్టర్​పై నుంచి దూకి...ఓ వ్యక్తి మృతి చెందాడు. ఈ ఘటన గుంటూరు జిల్లా తుళ్లూరు మండలం ఉద్దండరాయునిపాలెంలో జరిగింది.

గుంటూరు జిల్లా ఉద్దండరాయునిపాలెంలో ఇసుక అక్రమ తవ్వకాలు ఓ వ్యక్తి ప్రాణం తీశాయి. ఇసుక తవ్వకాలపై పోలీసులకు సమాచారం వచ్చింది. పోలీసులు వస్తున్నారని భయంతో... ఏలీయా అనే వ్యక్తి ట్రాక్టర్​పై నుంచి దూకి అక్కడికక్కడే మృతి చెందాడు.

ఈ ఘటనపై ఫిర్యాదు చేసేందుకు కుటుంబ సభ్యులు వెనుకాడుతున్నారు. ఉద్దండరాయునిపాలేనికి చెందిన ఓ ప్రజా ప్రతినిధి రాత్రి వేళల్లో ట్రాక్టర్లు, టిప్పర్లతో ఇసుక తవ్వకాలు చేస్తున్నా... అధికారులు పట్టించుకోవడం లేదని స్థానికులు చెబుతున్నారు.

ఇదీ చదవండి: