లారీ డ్రైవర్ను కొట్టి అతని వద్ద ఉన్న రూ.70 వేల నగదును దుండగులు అపహరించిన ఘటన గుంటూరు జిల్లా చిలకలూరిపేటలో జరిగింది. చెన్నై నుంచి వచ్చిన లారీ డ్రైవర్ ఎన్టీఆర్ సెంటర్ వద్ద ఓ పెట్రోల్ బంకు వద్ద ఆపి... పక్కనే ఉన్న ఏటీఎంలో డబ్బులు తెచ్చుకున్నాడు. వాటితో సంతలో పశువులను కొనుగోలు చేసి చెన్నై తీసుకెళ్లాల్సి ఉంది. ఇంతలో లారీ వద్దకు ముగ్గురు గుర్తు తెలియని వ్యక్తులు వచ్చి అతన్ని కొట్టి తన వద్ద ఉన్న రూ.70 వేల నగదును లాక్కెళ్లారు. చోరీపై డ్రైవర్ పోలీసులకు ఫిర్యాదు చేశాడు. కేసు నమోదు చేసుకున్న పోలీసులు సీసీ దృశ్యాల ఆధారంగా దర్యాప్తు చేస్తున్నారు.
ఇదీ చదవండి:
