పశ్చిమ గోదావరి జిల్లాలోని దిండి రిసార్టులో జనసేన మేథోమథన సమావేశం జరిగింది. అధినేత పవన్ కల్యాణ్ సహా.. కీలక నేతలు హాజరయ్యారు. ఈ మేరకు.. సమావేశానికి హాజరయ్యేందుకు వస్తున్న సమయంలో.. పి.గన్నవరం మండలం జి.పెదపూడి వద్ద పవన్ కల్యాణ్‌కు ఘనస్వాగతం లభించింది. అభివాదం చేసుకుంటూ... మల్కిపురం మండలం దిండికి సాగారు. దిండి రిసార్ట్‌లో పార్టీ రాజకీయ వ్యవహారాలపై మేధోమథనంలో పాల్గొన్నారు . రాత్రి అక్కడే బస చేయనున్న పవన్... శుక్రవారం అంతర్వేది లక్ష్మీనరసింహస్వామిని దర్శించుకోనున్నారు.
జన సైనికులను సన్నద్ధం...
వైకాపా ప్రభుత్వ వంద రోజుల పరిపాలన తర్వాత ప్రజా సమస్యలపై జనసేన మరింత విస్తృత పోరాటం చేయనుందని ఆ పార్టీ రాజకీయ వ్యవహారాల కమిటీ సభ్యుడు కందుల దుర్గేష్ వెల్లడించారు. తూర్పు గోదావరి జిల్లా రాజోలు నియోజకవర్గం దిండిలో జరుగుతున్న జనసేన పీఏసీ సమావేశం... జన సైనికులను సన్నద్ధం చేస్తుందని తెలిపారు. 2రోజుల సమావేశాన్ని పీఏసీ ఛైర్మన్ నాదెండ్ల మనోహర్ పర్యవేక్షిస్తున్నారు.
చర్చనీయాంశంగా వంగవీటి రాధా...
తెలుగుదేశం పార్టీ నేత వంగవీటి రాధ... జనసేన అధినేత పవన్ కల్యాణ్‌తో భేటీ కానున్నారన్న ఊహాగానాలకు.. రాధా చర్యలు మరింత ఊతమిచ్చాయి. దిండి రిసార్టులో జనసేన పీఏసీ సమావేశం వంగవీటి రాధ అక్కడికి వెళ్లడం చర్చనీయాంశమైంది. ఆ పార్టీ పీఏసీ ఛైర్మన్ నాదెండ్ల మనోహర్తో భేటీ అయిన రంగా.. పవన్ తో సమావేశంపై మాట్లాడినట్టు సమాచారం.
ఇదీ చదవండి
