ఫీజు రీయంబర్స్​మెంట్ కోసం విద్యార్ధునులు ఆందోళన

ఫీజు రీయంబర్స్​మెంట్ డబ్బులు వెంటనే చెల్లించాలని కోరుతూ.. కాకినాడలో శ్రీచైతన్య మహిళ డిగ్రీ, పీజీ కళాశాల ప్రాంగణంలో విద్యార్ధులు ఆందోళనకు దిగారు.

తూర్పుగోదావరి జిల్లా కాకినాడ గ్రామీణంలో శ్రీచైతన్య మహిళా డిగ్రీ, పీజీ కళాశాల ప్రాంగణంలో విద్యార్ధులు ఆందోళన నిర్వహించారు. ఫీజు రీయంబర్స్​మెంట్ డబ్బులు వెంటనే చెల్లించాలని డిమాండ్‌ చేశారు. ప్రభుత్వం నుంచి జగనన్న విద్యాదీవెన, ఫీజు రీయంబర్స్​మెంట్ డబ్బులు ఏప్రిల్్​లోనే కళాశాల ఖాతాలకు చేరినా.. ఇంతవరకు తమకు డబ్బులు ఇవ్వకుండా తిప్పించుకుంటున్నారని వాపోయారు. అన్ని ఫీజులతోపాటు, సర్టిఫికెట్లకు కూడా డబ్బులు కట్టామని, అయినప్పటికీ తమకు ఫీజు రీయంబర్స్​మెంట్ డబ్బులు ఇవ్వడంలేదని ఆరోపించారు. ఒక్కరోజు ఫీజు ఆలస్యమైనా హాల్‌ టిక్కెట్టు ఇవ్వకుండా.. బస్సులు ఎక్కించడం ఆపేసి ఇబ్బందులకు గురి చేస్తారని ఆగ్రహం వ్యక్తం చేశారు.

ఇవీ చూడండి...