వృద్ధురాలు
తూర్పు గోదావరి జిల్లా పి.గన్నవరం మండలం బెల్లంపూడిలో ప్రధాన రహదారి పక్కనే ఉన్న అంబేద్కర్ విగ్రహం స్లాబ్ కింద 70 సంవత్సరాల వయస్సు గల వృద్ధురాలు మూడు నెలలుగా ఎండ, వానలను తట్టుకొని అక్కడే ఉంటోంది. ఆమె పరిస్థితి గమనించి స్థానికులు ఆహారం అందిస్తున్నారు. ఊరి, పేరు అడిగితే అమలాపురం అని తన పేరు చల్ల సత్యవతి అని ఒక కుమారుడు ఉన్నాడు అని చెబుతోంది. భర్త చనిపోయాడని చెబుతుంది. అంతకు మించి ఏ ఒక్క ప్రశ్న అడిగినా.. చిరునవ్వుతో మౌనంగా ఉంటోంది. మానవతావాదులు పట్టించుకుని ఏదైనా వృద్ధాశ్రమంలో చేర్పిస్తే ఆమెకు మేలు చేసినవారౌతారని స్థానికులు అభిప్రాయపడుతున్నారు.
ఇదీ చదవండీ.. Venkaiah naidu: 'బయోటెక్నాలజీ హబ్గా.. హైదరాబాద్'
