పోటెత్తిన వరద నీరు.. తెగిపోయిన రహదారి

తూర్పు గోదావరి జిల్లా పి.గన్నవరం నియోజకవర్గం బూరుగు లంక వద్ద వరద పోటెత్తింది. దీంతో రహదారి తెగిపోయింది. స్థానిక ఎమ్మెల్యే ఆ ప్రదేశాన్ని పరిశీలించారు. గ్రామస్థులు ఇబ్బందిపడకుండా నదీ పాయలో మర పడవలు ఏర్పాటు చేయాలని అధికారులకు ఆదేశించారు.

తూర్పు గోదావరి జిల్లా పి.గన్నవరం నియోజకవర్గం బూరుగు లంక వద్ద వశిష్ఠ గోదావరి అనుబంధ పాయలోకి వరద నీరు పోటెత్తింది. దీంతో రహదారి తెగిపోయింది. ఎమ్మెల్యే కొండేటి చిట్టిబాబు గురువారం రాత్రి ఈ ప్రదేశాన్ని పరిశీలించారు. ఇక్కడ రహదారి తెగిపోవడంతో ఉడుముండి లంక, అరిగెల వారి పేట, బూరుగు లంకజీ, పెదపూడి లంక ఇలా నాలుగు లంక గ్రామాల ప్రజలకు వరద కష్టాలు నెలకొన్నాయి. లంక గ్రామాల ప్రజలకు ఇబ్బంది లేకుండా వెంటనే ఈ నదీ పాయలో మర పడవలు ఏర్పాటు చేయాలని ఎమ్మెల్యే కొండేటి చిట్టిబాబు రెవెన్యూ అధికారులను ఆదేశించారు.

ఇదీ చదవండి కొత్తపల్లి, పిఠాపురం టౌన్ పోలీస్ స్టేషన్​లో కరోనా భయం