శిరోముండనం ఘటనలో ట్విస్ట్​.. 'ప్రసాద్​ నా పేరు వాడుకోవడం బాధాకరం'

తూర్పుగోదావరి జిల్లా సీతానగరం మండలంలో ఎస్సీ యువకుడి శిరోముండనం వ్యవహారంలో కొత్త విషయాలు వెలుగులోకి వస్తున్నాయి. ఈ ఘటనతో తనకు ఎలాంటి సంబంధ లేదని విజయబాబు అనే యువకుడు ఓ వాట్సాప్​ వీడియో విడుదల చేశాడు. ఈ ఉదంతంలో బాధితుడు ప్రసాద్​ తన పేరు వాడుకొని రాజకీయాలు చేయడం బాధాకరమని వాపోయాడు.

తూర్పుగోదావరి జిల్లా సీతానగరం మండలంలో ఎస్సీ యువకుడి శిరోముండనం వ్యవహారంలో మరో ఘటన వెలుగు చూసింది. ఈ ఉదంతంలో ప్రసాద్​ తన పేరు వాడుకోవడం బాధాకరమని.. విజయబాబు అనే యువకుడు వాపోయాడు. దీనికి సంబంధించి ఓ వాట్సాప్​ వీడియో విడుదల చేశాడు. ప్రసాద్​పై ఇంతకు మునుపే పలు కేసులున్నాయని చెప్పాడు. తనకు.. ఈ ఘటనకు ఎలాంటి సంబంధం లేదని స్పష్టం చేశాడు. ఆరోజు రాత్రి తన స్నేహితులతో కలిసి తాను మునికూడలిలో రాత్రి వరకూ ఉన్నానని.. ప్రసాద్​ ఆయన స్నేహితులు మద్యం సేవించారని తెలిపాడు.

తిరిగి తన స్వగ్రామం ముగ్గళ్ల వెళ్తుండగా గుంటలో పడటంతో కాలు విరిగిందని విజయబాబు పేర్కొన్నాడు. అనంతరం తనను బంధువులు ఆస్పత్రిలో చేర్చారని చెప్పాడు. ప్రస్తుతం విజయబాబు ఓ ప్రైవేటు ఆస్పత్రిలో చికిత్స పొందుతున్నాడు.

ఇదీ చూడండి..