రాజమహేంద్రవరంలో మాదిగల మేధోమథన సదస్సు నిర్వహించారు. మాదిగ జాతి అభివృద్ధి చెందాలనే లక్ష్యంతో 25 సంవత్సరాలుగా ఉద్యమాలు నిర్వహిస్తున్నా.... ఏమాత్రం మార్పు రాలేదని ఎంఆర్‌పీఎస్‌ మాజీ నాయకుడు చిన్నా తెలిపారు. రాజకీయ, ఆర్థిక, సంక్షేమ రంగాల్లో మాదిగ జాతి నేటికీ వెనుకబడే ఉందని అన్నారు. మాదిగల అభివృద్ధికి ముఖ్యమంత్రి జగన్ కట్టుబడి పనిచేయాలని చిన్నా విజ్ఞప్తి చేశారు. మాదిగల అభివృద్ధే లక్ష్యంగా ఈనెల 5వ తేదీన అమరావతి వేదికగా నూతన సంఘం ఏర్పాటు చేయనున్నట్లు ఆయన స్పష్టం చేశారు. మాదిగలపై పెట్టిన కేసులను ఎత్తివేయాలని ముఖ్యమంత్రిని కోరనున్నట్టు తెలిపారు.
ఈ నెల 5న నూతన సంఘం ఏర్పాటు: ఎంఆర్‌పీఎస్‌ మాజీ నాయకుడు
