యానాంలో అబ్బురపరిచిన లేజర్ షో

కేంద్రపాలిత ప్రాంతమైన యానాంలో సంక్రాంతి సంబరాలు అంబరాన్నంటాయి. పండగ సందర్భంగా బొటానికల్ గార్డెన్​లో ఏర్పాటు చేసిన లేజర్​ షో అలరించింది. వారం రోజులపాటు లేజర్ షో నిర్వహించబడుతుందని అధికారులు వెల్లడించారు.

యానాంలో సంక్రాంతి వేడుకలు ఘనంగా నిర్వహిస్తున్నారు. తెలుగు రాష్ట్రాల్లో వివిధ జిల్లాల నుంచి వచ్చిన సందర్శకులను... బొటానికల్ గార్డెన్​లో ఏర్పాటు చేసిన లేజర్ షో ఆకట్టుకుంది. వాటర్ స్క్రీన్​పై హిందీ చిత్రాలలోని పాటలను ప్రదర్శిస్తూ.. సంగీతానికి అనుగుణనంగా వివిధ రంగుల విద్యుత్ దీపకాంతుల ఆధారంగా నీటితో చేసిన విన్యాసాలు అబ్బురపరిచాయి. పండుగ వారం రోజుల పాటు ప్రతిరోజు సాయంత్రం 6:30 నుంచి ఈ ప్రదర్శన ఉంటుందని పర్యటకశాఖ అధికారులు వెల్లడించారు.

ఇదీ చదవండి: పండగ రోజున అశ్లీల నృత్యాలు.. వైకాపా నాయకుల చిందులు