కాకినాడ సమీపంలో.. గంజాయి స్మగ్లర్ల పట్టివేత

కాకినాడ సమీప గ్రామాల్లో గంజాయిని విక్రయిస్తున్న పలువురిని పోలీసులు పట్టుకున్నారు. తూరంగి, ఇంద్రపాలెం గ్రామాల్లో పాడుబడ్డ భవనాల్లో గంజాయిని ప్యాకెట్ల రూపంలో విక్రయిస్తున్నట్లు డీఎస్పీ తెలిపారు.

కాకినాడ చుట్టుపక్కల గ్రామాల్లో ఎంతోకాలంగా గంజాయిని విక్రయిస్తున్న పలువురిని ఇంద్రపాలెం పోలీస్ స్టేషన్ పరిధిలో పట్టుకున్నట్టు డీఎస్పీ రవివర్మ తెలిపారు. కాకినాడ గ్రామీణ నియోజకవర్గంలోనే తూరంగి, ఇంద్రపాలెం గ్రామాల్లో పాడుబడ్డ భవనాల్లో ఈ గంజాయి ముఠా ప్యాకెట్ల రూపంలో గంజాయిని విక్రయిస్తున్నట్లు డీఎస్పీ తెలిపారు. గత కొంతకాలంగా వీరిపై నిఘాను ఏర్పాటు చేసి చాకచక్యంగా పట్టుకున్నామన్నారు. గతంలోని పలు కేసుల్లో నిందితులు ముద్దాయిలుగా ఉన్నారని... వీరిపై చార్జిషీటు వేస్తామని వివరించారు. అలాగే వీరికి గంజాయి సరఫరా చేస్తున్న పలువురిని అరెస్ట్ చేశామన్నారు. రెండు లక్షల మేర విలువ చేసే గంజాయిని రెండు మోటార్​సైకిళ్లు, ఒక ఆటోను స్వాధీనం చేసుకున్నామని తెలిపారు.