కేంద్ర పాలిత యానాం అసెంబ్లీ నియోజకవర్గంలో.. చివరి రోజు ఎన్నికల ప్రచారం ముమ్మరంగా జరిగింది. ఆఖరి నిమిషం వరకు ఓటర్లను ఆకట్టుకునేందుకు అభ్యర్థులు ప్రచారం నిర్వహించారు. స్వతంత్ర అభ్యర్థిగా పోటీలో ఉన్న గొల్లపల్లి శ్రీనివాస్ అశోక్కు మద్దతుగా.. సీపీఐ జాతీయ కార్యదర్శి నారాయణ ప్రచారం చేశారు.
దేశంలోని ప్రధాన ఆదాయ రంగాలన్నిటినీ మోదీ కార్పొరేట్ సంస్థల చేతిలో పెడుతున్నారని మండిపడ్డారు. రాష్ట్రాలకు ఇచ్చే నిధులకూ కోతలు పెడుతున్నారని ఆగ్రహం వ్యక్తం చేశారు. పుదుచ్చేరిలో భాజపా అధికారంలోకి వస్తే.. ఆ రాష్టాన్నీ అమ్మేస్తారని ఆరోపించారు. యువకుడు, విద్యావంతుడైన అశోక్ని గెలిపించాలని కోరారు.
ఇదీ చదవండి:
