కరోనా రెండో దశ విజృంభణతో రోగులు ఆక్సిజన్ లేక ఇబ్బందులు పడుతుండటం చూసి.. తూర్పు గోదావరి జిల్లా కొత్తపేట ఆర్యవైశ్య సంఘ సభ్యులు మానవత్వం చాటుకున్నారు. ఏరియా ఆస్పత్రికి ప్రతీరోజూ 40 కేజీల ఆక్సిజన్ సిలెండర్లు ఉచితంగా ఇవ్వడానికి నిర్ణయం తీసుకున్నారు. తహసీల్దార్ జి.డి. కిషోర్ బాబు, ఎంపీడీఓ కె.రత్నకుమారి ద్వారా ఈ కార్యక్రమాన్ని ప్రారంభించారు.
దాతల సహకారంతో 10 ఆక్సిజన్ సిలెండర్లను 20 రోజుల పాటు పంపిణీ చేస్తామని సంఘం సభ్యుడు పవన్ తెలిపారు. ఎవరైనా దాతలు ముందుకు వస్తే మరింత మెరుగ్గా సేవలు అందించగలమన్నారు. వారి సాయాన్ని అధికారులు అభినందించారు. సభ్యులు ఎస్.జగదీష్, కొత్త జగన్నాథరావు, పి.బాపన్న, కొత్త చినబాబు, ఎస్.రామారావు, ముత్యాల వీరభద్రరావు, విళ్ల మారుతీ ప్రసాద్ పాల్గొన్నారు.
ఇదీ చదవండి:
