అన్నవరం సత్యనారాయణ స్వామి సన్నిధిలో వివాహాలు, ఉపనయనాలు చేసుకోడానికి చెల్లించిన ముందస్తు రుసుములు తిరిగి ఇవ్వవలసిందిగా భక్తులు దరఖాస్తు చేసుకుంటున్నారు. మార్చి 25 నుంచి ఏప్రిల్ 12 వరకు సుమారు 219 వివాహాలకు వసతి గదులు, హాల్స్ను ముందస్తు రిజర్వేషన్ చేసుకున్నారు. లాక్డౌన్ కారణంగా మార్చి 20 నుంచి స్వామి దర్శనానికి భక్తులను అనుమతించలేదు. అనేక మంది ఈ సందర్భంగా వివాహాలను వాయిదా వేసుకోవడం లేదా వారి నివాసాల్లో నిరాడంబరంగా చేసుకున్నారు. దీంతో ముందస్తుగా చెల్లించిన సొమ్మును ఇవ్వవలసిందిగా భక్తులు దరఖాస్తులు చేసుకున్నారు. ఈ విషయమై దేవాదాయ శాఖ కమిషనర్కు నివేదిక పంపామని... వారి ఆదేశాను సారం తదుపరి చర్యలు తీసుకుంటామని ఈవో త్రినాథరావు విషయం తెలిపారు.
ఇదీ చదవండి :
