తూర్పుగోదావరి జిల్లా ఆలమూరు మండలం పెదపళ్లలోని కాకినాడ-జొన్నాడ రోడ్డుపై జరిగిన ప్రమాదంలో ఓ మహిళ అక్కడికక్కడే చెందింది. ఆలమూరు మండలం పినపల్ల గ్రామానికి చెందిన జ్యోతి.. రావులపాలెంలో నివాసముంటుంది. జ్యోతి.. ద్విచక్రవాహనంపై మండపేట వైపు వెళ్తుంది. ఈ క్రమంలో మురళీకృష్ణ రైస్ మిల్ సమీపంలో ఎదురుగా వస్తున్న యాత్రికుల బస్సు.. ఆమె వాహనాన్ని ఢీకొట్టింది. ఈ ప్రమాదంలో జ్యోతి అక్కడికక్కడే మృతి చెందింది.
ఘటనాస్థలానికి వచ్చిన పోలీసులు.. మృతదేహాన్ని పోస్టుమార్టం నిమిత్తం ఏరియా ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్లు మండపేట రూరల్ ఎస్సై దొరరాజు తెలిపారు.
ఇదీ చూడండి: లారీని ఢీ కొట్టిన ప్రైవేట్ ట్రావెల్స్ బస్సు...ఒకరు మృతి
